«Мин аҕам дойдута» клип устуута от ыйын 24 күнүттэн саҕаламмыта.
Бу клипкэ ырыаны үс уол оҕолор ыллыыллар. Арылхан Солдаткин, Карл Прокопьев, Игорь Петров. Ырыа ис хоһооно күн оонньуур күөлүгэр баай балыктаах, ото-маһа кэрэтийэн көстөрө ойууланар. Бөлөҕү салайан илдьэ сырытта Элгээйитээҕи оҕо искусство оскуолатын преподователэ Ульяна Васильевна. Клипкэ сүрүн балыксыт Сергей Петрович Ефремов буолар. Кини көмөлөһөөччүтүнэн мин сылдьабын. Барыта уопсай устуу биир нэдиэлэ курдук буолбута.
Манна сылдьаннар оҕолор айылҕаҕа тахсыбыттарыттан наһаа үөрбүттэрин биллэрбиттэрэ. Илиминэн балыктааһын диэни кытары билсибиттэрэ, илэ харахтарынан көрбүттэрэ. Сергей Петрович элбэх арааһы кэпсээбитэ, билиһиннэрбитэ. Күөх Боллох балыгынан күндүлээбитин кэлбит, саҥа балыктааһыны кытары билсэр уолаттарга бэрсэн ыыппыта. Уолаттар ийэлэрэ сылаас чэйинэн, минньигэс сип-сибиэһэй балыгы ыраастыы охсон, буһара охсон уолаттар куттарын туппуттара. Арылхан бу кэнниттэн сылдьыһан хайдах эрдинэргэ үөрэммитэ, ууга сэрэхтээхтик сылдьары үөрэппитэ. Кэлин хаста даҕаны барсан илимнэһэн кэлбитэ. Дьонугар өттүк харалаах, илии тутуурдаах тиийбитэ. Арылхан үөрүүтэ улахан, ийэтин үөрдэн өссө эбии үөрбүтэ.
Герасимова С.М., ЭРМЭК эбии уерэх педагога |
