Элгээйи нэhилиэгэ төрүттэммитэ 245, "Туойдаах Алаас" музей тэриллибитэ 25 сылларын көрсө кулун тутар 10-11 күннэригэр "Туойдаах Алаас" музейга дуобат турнира буолан ааста. Бастакы күн оскуола оҕолоругар анаммыт турнирга барыта 16 оҕо кыттыбытыттан 3 бастыннар ааттарын ыллылар: 1 миэстэ Кондратьева Настя 5 кл, 2 м. Коркин Гриша 4 кл, 3 м. Иванов Вадим 3 кл. Улахан дьон турнирыгар 1кы миэстэҕэ Уаров Владимир Иванович эрэллээхтик таҕыста.2-3 миэстэ иһин тыҥааһыннаах киирсии түмүгүнэн, иккиһи Захаров Василий Гаврильевич, үсүһү Семенов Николай Макарович ыллылар. Оҕолорго бастаабыт Настя Кондратьева улахан дьон турнирыгар аҕам саастаах дуобатчыттары кытта тэҥҥэ оонньоон турниры биллэ сэргэхситтэ. 2 күн ыытыллыбыт дуобат күрэҕэр миэстэлэспит дуобатчыттар грамотанан, өйдөбүнньүк бэлэхтэринэн наҕараадаланнылар. Бу сэргэх тэрээһини иилээн-саҕалаан ыытарга көмөлөспүт Уаров Владимир Ивановичка, бириистэри спонсордаабыт "Купец" (сэб.Осипова А.П), "Өкүлүүнэ" (сэб. Иванова Д.Е), "Корона" (сэб. Афанасьева О.К),маҕаһыыннар коллективтарыгар "Туойдаах Алаас" музей аатыттан барҕа махталбытын тиэрдэбит. Үлэҕитигэр-хамнаскытыгар таһаарыылаах үлэни, тус бэйэҕитигэр чэгиэн туругу баҕарабыт. Кыраайы үөрэтэр "Туойдаах Алаас" музей. |