Олунньу 28 күнүгэр Элгээйитээҕи Айылҕа музейыгар улуустааҕы РСФСР уонна СӨ норуотун үөрэҕириитин, САССР культуратын үтүөлээх үлэһиттэрэ, Октябрьскай революция орден кавалера, Айылҕа музейын төрүттээччи Б.Н. Андреев төрөөбүтэ 105 сылыгар аналлаах «VII Андреевскай ааҕыылар» научнай-практическай конференция буолан ааста. Конференция аһыллыытыгар Элгээйитээҕи Айылҕа музейын директора А.С. Иванова мустубут дьоҥҥо быйыл бэчээттэнэн тахсыбыт Б.Н. Андреев 1936-1937 сс., 1937-1941 сс. эриэккэс иллюстрациялаах дневниктэрин көрдөрдө, билиһиннэрдэ. Б.Н.Андреев кыра кыыhа, музей экскурсовода, СР культуратын туйгуна Светлана Борисовна Никифорова а5атын туhунан үтүө өйдөбүлү мустубут конференция кыттааччыларыгар билиhиннэрдэ. Конференция түөрт секциянан оҕолорго уонна педагогтарга диэн араарыллан үлэлээтэ. Элгээйи, Хоро, Кэмпэндээйи уо.д.а. нэһилиэктэр оскуолаларыттан, о5о уhуйаанарыттан, эбии үөрэх тэрилтэлэриттэн үөрэнээччилэр, педагогтар кэлэн кытыннылар. Түмүккэ үс бастыҥ миэстэни таһынан ЭРМЭК анал граннара туттарылыннылар. Конференция түмүгэ маннык буолла:
«Краеведение» секцияҕа 5-7 кылаастарга 1 м. Петров Игорь, 7 кылаас (Элгээйи, сал. Л.В. Иванова), 2 м. Иванов Вадим (Элгээйи, сал. Л.В. Иванова), 3 миэстэ Иванова Валя (Элгээйи, сал. А.А.Михайлова, В.В.Иванов).
8-11 кылаастарга 1 м. Света Семенова, 10 кылаас (Кэмпэндээйи, сал. Т.И. Местникова), 2 м. Злата Татаринова, 10 кылаас (Элгээйи, сал. Л.Н. Павлова), 3 м. Прокопьева Настя, 10 кылаас (Кэмпэндээйи, сал. Т.И. Местникова) ыллылар.
«Экология уонна айылҕа харыстабыла» секцияҕа 5-7 кылаастарга 1 м. Аида Семенова, 7 кылаас (Кэмпэндээйи, сал. И.П. Федорова), 2 м. Виолетта Гаврильева, 7 кылаас (Хоро, сал. Л.В. Илларионова), 3 м. Сима Иванов, 6 кылаас (Элгээйи, сал. М.И. Иванова), оттон 8-11 кылаастарга 1 м. Дьулусхан Петров 9 кылаас (Элгээйи, сал. Р.А. Алексеева), 2 м. Диана Яковлева, Снежана Егорова 10 кылаас (Элгээйи, сал. Р.А. Алексеева), 3 м. Сайыына Николаева, 10 кылаас (Элгээйи, сал. Р.А. Алексеева) буоллулар.
Педагогтарга «Эбии үөрэхтээһин тэрилтэтигэр – экология» секцияҕа 2 м. Кэмпэндээйи орто оскуолатын биологияҕа учуутала И.П. Федорова, 3 м. ЭРМЭК эбии үөрэхтээһин педагога С.М. Герасимова тигистилэр.
«Музей педагогиката» секцияҕа 2 м. Элгээйи орто оскуолатын биологияҕа учуутала Р.А. Алексеева, 3 м. Элгээйитээҕи «Чуораанчык» оҕо саадын иитээччитэ Е.И. Федорова ыллылар.
Кыайыылаахтар грамотанан, анал бириистэринэн, бары кыттааччылар туоһу суруктарынан наҕараадаланнылар. Айылҕа музейын анал гранын, сертификаттаах кырыыламмыт бриллианы, икки ураты үлэлээх кыттааччы – Хоро орто оскуолатын 9 кылааһын үөрэнээччитэ Степанова Айтаҕа (сал. Л.В. Илларионова), Кэмпэндээйи орто оскуолатын 8 кылааһын үөрэнээччитэ Сахайаана Егороваҕа (сал. И.П. Федорова) – тутан үөрдүлэр-көттүлэр.
«VII Андреевскай ааҕыылар» научнай-практическай конференцияны ыытарга көмөлөспүт улуустааҕы үөрэх управлениетыгар, Элгээйи орто оскуолатын коллективыгар, Сунтаардааҕы Айылҕа харыстабылын инспекциятыгар, Элгээйи учаастактааҕы лесзхоһун коллективыгар махталбытын этэбит.
Элгээйитээҕи ЭРМЭК.
|
