Алтынньы 4 кунугэр Сунтаардаа5ы С.А.Сибиэрэп-Кыыл Уола аатынан норуот айымньытын тумэлигэр Айыл5аттан айдарыылаах, норуоттан тахсыбыт худуоhунньук Аммос Семенович Алексеев - норуокка биллэринэн "Кыра Аммос" айан хаалларбыт дьуhуйуулэрин ахтыы-быыыстапката тэрилиннэ.
Аммос Семёнович 74 сыл анараа еттугэр Элгээйи нэhилиэгэр тереебутэ. Оскуола5а учууталлар таба көрөннөр кылаас хаһыатын уруьуйдатар, плакаттары суруттарар эбиттэр. Оскуола кэннэ совхозка үлэлии сырытта5ынан айыл5а музейын тэрийбит Борис Николаевич Андреев ыҥыран ылан 1967 сыллаахха Москва5а таксидермист уерэ5эр курска ыытан үөрэттэрбитэ. Чуучала каркаһын тимиринэн оҥоруу технологиятын аһара баһылаабыта. Аммос илиитин сылааһынан оҥорбут элбэх чуучалата тереебут Элгээйитин айылҕа тумэлигэр кердеруугэ тураллар. Аммос уерэ5э суох айыл5а биэрбит талаанынан уруһуйдьут. Кинини Г. Е. Бессонов Тойбохойго ыҥыран ылан 3 сыл бэйэтигэр олордон эрэн уруьуйдаппыта. Онно олорон уруһуйдаабыт хартыыналара билигин Тойбохой музейыгар 27 хартыына, Элгээйитээ5и фольклор тумэлигэр 3 хартыына хараллыыга тураллар, ону таһынан чааһынай ыалларга төһө баара биллибэт. Уруһуйдуур хартыыналара араас хабааннаах темаларга арахсара.
Бу быыстапка5а Б.Н.Андреев аатынан Элгээйитээ5и региональнай музейно-экологическай киин улэhиттэрэ, чуолаан Геннадий Георгиевич Гуляев, талааннаах таксидермист, художник-дизайнер, Александр Николаевич Поротов, техник-лаборант, Элгээйитээ5и о5о искусствотын уруhуйга преподавателя, Татьяна Семеновна Куприянова, ер кэмнэ Борис Николаевич коллегата, биология химия учуутала, СР уерэ5ириитин туйгуна, Учууталлар учууталлара, Элгээйи нэhилиэгин, Сунтаар улууhун бочуоттаах олохтоо5о, кыттыыны ыллылар. Быыстапка тэрийэн ыытыыга Элгээйи нэhилиэгин олохтоохторо Аммос Семенович уруhуйдарын хаартыска5а туhэрэн быыстапка5а кыттыыны ыллылар. Ол курдук, биир дойдулаахпыт Аммос Семенович аатын уйэтитэн, улэлэрин ыыппыт Элгээйи, Куукэй, Хоро нэhилиэгин олохтоохторугар ЭРМЭК коллективын аатыттан махталбытын тиэрдэбит.
Аммос Семенович хаалларбыт дьуьуйуулэрин норуот айымньытын тумэлигэр көрүҥ, кэрэхсээн диэн ыҥырабыт! Быыстапка алтынньы ый 4 кунуттэн 17 кунугэр диэри турар.
Николай Игнатьев ахтыытыттан:
бастакы таксидермист этэ
Алексеев Аммос Семенович1944 с. Элгээйи нэһилиэгэр күн сирин көрбүтэ. Аҕата Алексеев Семен Николаевич эргиэн үлэһитэ, ийэтэ Григорьева Христина Федоровна медицинскэй сиэстэрэ кууруһун бүтэрэн, бастаан Сунтаарга, онтон манна Элгээйигэ сиэстэрэнэн үйэтин тухары үлэлээбитэ. Дьоҥҥо-сэргэҕэ биллибит үлэһит этэ. Элгээйи кырдьаҕас өттө билигин да өйдүүллэрэ буолуо.
Аммос Семенович ыал бастакы оҕото, кини айылҕаттан талааннаах уруһуйдьут, оскуолаҕа үөрэнэр кэмнэригэр учууталлар таба көрөннөр, кылаас хаһыатын уруһуйдатар, плакаттары суруттарар этилэр. Онтон совхозка үлэлии сырыттаҕына Борис Николаевич Андреев ыҥыран ылан 1967 сыллаахха, Москваҕа аатырбыт таксидермиска ыытан хас да ый үөрэттэрбитэ, ол кэнниттэн маннааҕы музейга чуучала бөҕөнү оҥорбут буолуохтаах.
Кэлин, уурайан баран, “чуучала кыыллар харахтарын сатаан оҥорботтор эбит” диир буолара.
Ити үлэтин тас өттүгэр ыалларга уруһуйдаан биэрэр этэ, билигин да сорох ыалларга ол уруһуйдара тураллар, чуучала оҥорон биэрбит дьоно элбэхтэр.
Итини таһынан правительство дьиэтигэр, Дьокуускайга, Акимов Александр Константинович ыҥыран хас да уруһуйу оҥотторбута.
Онтон Күүкэй музейын Акимов Анатолий Константиновичтыын кинилиин төрүттэспит буолуохтаахтар, онно кини үлэлэрэ билигин да бааллара буолуо.
Маннааҕы музейга кини үлэлэрэ суох курдук, Аммос Семенович Элгээйи музейыгар бастакы таксидермист курдук этэ да, музей юбилейыгар аата да ааттамматаҕа.
| 
