Өбүгэлэрбит Байанайы булду-алды кытта ыкса сибээстииллэрэ. Олус үөрүнньэҥ, кэһии биэрэр курдук саныыллара. Кинини үчүгэйдик саныыр булчукка баай байанайдаах үөрэ-көтө бэрсэр диэн өйдөбүл олохсуйбут.
Үгэскэ кубулуйбут, Баай барыылаах Байанай ыйын чэрчитинэн улуустааҕы «Байанай бэлэҕэ» диэн аҕа уолунаан күрэһи иккис төгүлүн Сунтаардааҕы үөрэх управлениятын былаанынан тэрийэн ыыттыбыт.
Манна улууспут ыраах сытар араас нэһилиэктэриттэн көхтөөхтүк кытыннылар. Сэтинньи 14 күнүттэн саҕалаан 12 хамаанда кыттар баҕа санаатын биллэрэн сүүмэрдиир түһүмэҕи толорбуттара. Күрэс иккис түһүмэҕэр 10 хамаанда ааһан бэйэлэрин билиһиннэрэр фото-видеопрезентация оҥорон дьүүллүүр сүбэ көрүүтүгэр ыытан, 5 бастыҥ кыттааччы ааһан, түмүктүүр түһүмэхпитигэр кыттар чиэскэ киирбиттэрэ.
  
Ол курдук, бүгүн сэтинньи 25 күнүгэр, Айылҕа түмэлигэр 4 хамаанданы түмэн, итии чэйдээх, арыылаах алаадьынан көрсөн, бүгүҥҥү күрэххэ ситиһиини баҕаран ирэ-хоро сэһэргэстибит. Дьэ ол кэннэ Элгээйибит спортивнай залыгар (сал. Попов О.А.) элбэх эрийсиилээх сыал ытыыта, балыктааһын, маамыкта быраҕыыта, онтон Уйбаан Нуолур аатынан модельнай библиотекаҕа (сал. Семенова Т.А.) блиц-опрос уонна элбэх баалы биэрбит «Бэйэ оонньуута» көрдөөх түгэннэри даҕаны, ыксаллаах кэми даҕаны күөрэтэ сырытта. Кыттааччылар бары даҕаны бултка сыһыаннаахтарын көрдөрдүлэр.
  
Тойбохой булчута Егоров Тимофей Федотович булт туһунан мүччүргэннээх сырыыларын туһунан бэрт интириэһинэй сэһэни сэһэргээтэ, выставкатын хаартыскаларын көрдөрдө.
Онон күрэс түмүгүнэн кыайыылаахтарбытын быһаардыбыт:
✅1 миэстэ – Элгээйиттэн Александр уонна Айуран Поротовтар;
✅2 миэстэ – Сунтаартан Геннадий уонна Эркин Петровтар
✅3 миэстэ - Кириэстээхтэн Семен уонна Тамерлан Михайловтар дьиэ кэргэттэрэ буоллулар.
Кыайыылаахтарга сыаналаах бириистэр, добун суруктар уонна туоһу сурук туттарылыннылар.
Маннык күрэхтэһиилэр аҕа, уол оҕо бэйэ икки ардыгар сыһыан ыксалаһыытын бөҕөргөтөр биир үтүө көстүүтэ буолар. Уол оҕону булка-алка уһуйуу, дьиэ-кэргэҥҥэ эр киһи оруолун үрдэтии, чөл олоҕу, саха төрүт үгэһин тутуһууну үтүө холобура буолар.
Кыттааччыларбытыгар уонна И.Г. Иванов-Уйбаан Нуолур модельнай библиотека үлэһиттэригэр Татьяна Афанасьевнаҕа, Агния Егоровнаҕа, Елизавета Васильевнаҕа, спортзал салайааччытыгар Олег Августиновичка, Елочка уһуйаан салайааччытыгар Марина Васильевнаҕа, олохтоох дьаһалтаҕа (баһылык Григорьев Павел Анатольевичка) Айылҕа түмэлин эр дьонугар махталбытын тириэрдэбит!
Б.Н. Андреев аатынан Элгээйитээҕи региональнай музейнай экологическай киин коллектива | 
