Быйыл Элгээйи нэһилиэгэр сыллааҕы бэлиэ даталарга – Улуу Кыайыы 75 сылыгар, норуот ырыаһыта С.А. Зверев-Кыыл Уола төрөөбүтэ 120 сылыгар – олоҕуран тэрилтэлэр икки ардыларыгар фестиваль биллэриллибитэ. Ол чэрчитинэн олунньу 29 күнүгэр Б.Н. Андреев аатынан ЭРМЭК, С.С. Яковлев аатынан ЭУБ, Элгээйитээҕи участковай лесничество уонна «Талба» маҕаһыын (ИП Э.М. Спиридонова) коллективтарын холбоһуктаах хамаандалара фестивалы саҕалаатылар. Сыл бэлиэ тэрээһинин нэһилиэк баһылыга Г.Л. Яковлев эҕэрдэ тылынан аста. Күөн күрэс балаһыанньатынан «Улуу Кыайыы 75 сылыгар – 75 үтүө дьыала», «Эһиги хорсун быһыыгыт – биһиги сүрэхпитигэр» диэн альбом-рапоры туттарыы буолла. Кырыктаах сэриигэ баран суох буолбут буойуннары чиэстээн сүһүөххэ туран мүнүүтэлээх чуумпуруу биллэрилиннэ. Салгыы тэрилтэлэр күүстэринэн Элгээйи нэһилиэгин бочуоттаах олохтооҕо, «Гражданскай килбиэн» бэлиэ хаһаайката Марфа Кононовна Иванова төрөөбүтэ 90 сааһыгар анаан, кини судургута суох олоҕун, үлэтин кэпсиир «Сибиир чөмчүүгүн хаһаайката» диэн дьүһүйүү-испэтээги оонньоон көрдөрдүлэр. Сценарийы Иванова Марфа, «Туойдаах Алаас» музей методиhа суруйда. Испэктээги СР култууратын туйгуна, режиссер Эльвира Николаева таҥан, сааһылаан, оруолларынан арааран туруорда. Бу биир ытыктыыр киһибит олоҕун толору кэпсиир айымньыны СР үөрэҕириитин туйгуна Людмила Павлова сыана кэтэҕиттэн дорҕоонноохтук ааҕан хас да көстүүлээх испэктээги биир ситимҥэ түмтэ. Марфа Кононовна сэрии кэмин о5отун тулуурдаах,кыайыгас улэтин Элгээйи орто оскуолатын онус кылааьын уерэнээччитэ Настя Лукина, чуораанныы лыцкыныыр о5о сааьын мацнайгы кылаас уерэнээччитэ Эва Яковлева, тереппуттэрин Конаны(а5атын) Марфа Кононовна сиэнэ Артем Чемчоев, ийэтин Аанысканы Элгээйитээ5и айыл5а тумэлин улэьитэ Саргылана Макарова, доруобуйа харыстабылын ветеран улэьиттэрэ Розалия Яковлева, Маргарита Заболоцкая, тыа сирин о5олоро Саша Амонов,Айсен Аввакумов,Сергей Слепцов, Нюргустана Игнатьева, Валюша, Владиана Ивановалар, колхоз бэрэссэдээтэлэ – Элгээйитээ5и айыл5а тумэлин таксидермиhа Геннадий Гуляев, Лааьыр кырдьа5ас - Элгээйитээ5и айыл5а тумэлин улэhитэ Александр Александров, Максимов учууталы Элгээйи участковай балыыьатын стоматолог бырааьа Константин Винокуров, орто саастаах Марфа Кононовнаны - Элгээйитээ5и айыл5а тумэлин эбии уерэх педагога Светлана Прокопьева, кини дьуегэтин Элгээйитээ5и айыл5а тумэлин эбии уерэх педагога Сардана Герасимова, учуутал Лука Григорьевиьы Элгээйи участковай балыыьатын завхоьа Александр Пахомов итэ5итиилээхтик ооннььоон керееччу биьирэбилин ылыан ыллылар. Көстүүмнэри культура киинин үлэһитэ Ульяна Самойлова, декорацияны Владимир Игнатьев бэлэмнээтилэр. Сыана уотун-күөһүн, тыаһын-ууһун, доҕуһуолун СР култууратын туйгуна Владимир Семёнов уонна Гаврил Иванов сөптөөхтүк таҥан испэктээги ситэрэн-хоторон биэрдилэр. Оруоллары толорооччулар оҕолуун, улаханныын бука бары бэрт итэҕэтиилээхтик оонньооннор, көрөөччү болҕомтотун тартылар, биһирэбилин ыллылар.
Испэктээк кэннэ, Сардана Герасимова уонна Людмила Захарова сценарийдарынан «Уруй буоллун Улуу Кыайыыга!» диэн тэрилтэлэр кэнсиэрдэрэ буолла. Сонунтан сонун нүөмэрдэр бииртэн биир көстөн, көрөөччүнү сэҥээртилэр. Кыайыы 75 сылыгар анаан 75 киһилээх хор тахсан «Тыыннаахтар умнубат сыллара» ырыаны өрө күүрүүлээхтик толорбута кэнсиэр биир бэлиэ түгэнинэн буолла. Сэриигэ буойуттары атаараат кыргыттар ансаамбыллара "Туос тууйастар" ырыанан ситимнээн бэстибээл кэнсиэрэ са5аланар. Сардана Герасимова аба5атын Василий Наумович Иванов сэрииттэн суруктарын, хоьооннорун оччотоо5у кичэллээхтик хараллыбыт тэтэрээтиттэн ылан, ейтен аа5ан саха талааннаах буойунун суруйуулара иккистээн тилиннэ, "Мин мантан сэриигэ барбытым" - Владимир Иванов иэйиилээх ырыата, "бэстибээл арыйыытынан" - Таня Иванова хатыламмат кэрэ куолаьынан ыллаан бар дьону соьутта. Сцена ветераннара Вера, Абрам Николаевтар эдэр сааьы эргитэр дуэттара, "На перевале" байыаннай уцкуу, "Кыайыы вальса", хомуска дьуьуйуулэр,норуот ырыалара, Абрам Николаев оьуокайа бу кэнсиэрт ерегейун урдэттилэр. "Туойдаах Алаас" тумэл салайааччыта Анисия Игнатьева история дьиц сыыппараларын сырдатан сценарий силигин ситтэ. Хормейстер - Анна Игнатьева, Балетмейстер - Ольга Степанова, аккомпаниатор Николай Кириллин, Фольклорга испэсэлиис Евдокия Захарова элбэх дьону тумэ тардан элбэх салаа5а бэлэмнээтилэр.
Кэнсиэр бүтүүтэ Айылҕа музейын директора А.С. Иванова Марфа Кононовнаҕа, бар дьон иннигэр сыанаҕа таһааран, тыыннаах сибэкки дьөрбөтүн туттарда. Бу тэрээһиҥҥэ тэрилтэлээх дьону таһынан үлэ бэтэрээннэрэ, үлэтэ суохтар, оҕолор мустан, бука бары түмсэн, сэриигэ баран кыттыбыт, суох буолбут, тыылга хаалан үлэлээбит дьоммутугар дьиҥ чахчы сүгүрүйүү, махтал бэлиэтин көрдөрдүлэр.
Ити курдук Кыайыы өрөгөйдөөх юбилейыгар аналлаах фестиваль олус көхтөөхтүк саҕаланна. Уочараттаах тэрилтэлэр отчуоттуур кэнсиэрдэрин долгуйа күүтэбит.
М.Иванова, ЭРМЭК методиһа, Элгээйи. |
